నాలుక రంగు ఆధారంగా వ్యాధి నిర్ధార‌ణ
98 శాతం కచ్చితత్వంతో గుర్తింపు
ఢిల్లీ, కొత్త‌స్వ‌రం
మానవ నాలుక రంగును విశ్లేషించి, వివిధ రకాల వ్యాధులను 98 శాతం కచ్చితత్వంతో గుర్తించగల నూతన అల్గోరిథమ్‌ను పరిశోధకులు అభివృద్ధి చేశారు. ఈ అల్గోరిథమ్‌ను మిడిల్ టెక్నికల్ యూనివర్సిటీ (MTU) మరియు యూనివర్సిటీ ఆఫ్ సౌత్ ఆస్ట్రేలియా (UniSA) సంయుక్తంగా అభివృద్ధి చేశాయి. ఈ సరికొత్త ఇమేజింగ్ సిస్టమ్ ద్వారా డయాబెటిస్, స్ట్రోక్, అనీమియా, ఆస్తమా, కాలేయం మరియు పిత్తాశయం సమస్యలు, కోవిడ్-19 వంటి అనేక వ్యాధులను గుర్తించవచ్చు. “నాలుక రంగు, ఆకారం, మందం వంటి లక్షణాలు అనేక ఆరోగ్య సమస్యలను సూచిస్తాయి,” అని MTU మరియు UniSAలో పరిశోధకులుగా ఉన్న అలీ అల్-నాజీ తెలిపారు. ఈ పరిశోధనలో 5,260 చిత్రాలను ఉపయోగించి మిషన్ లెర్నింగ్ మోడల్ కు శిక్షణ ఇచ్చారు. ఈ సాంకేతిక పరిజ్ఞానం రియల్ టైమ్ డయాగ్నోసిస్‌లో ఉపయోగపడుతూ, వైద్య విధానాలను మరింత ప్రగతిపరచగలదని పరిశోధకులు విశ్వసిస్తున్నారు.