టీడీపీకి చెందిన కుటుంబాల చేరిక

బొత్స సత్యనారాయణ సమక్షంలో కార్యక్రమం

కండువాలు కప్పి ఆహ్వానించిన నేతలు

బొత్స అప్పలనరసయ్య ఆధ్వర్యంలో చేరికలు

పార్టీ శ్రేణుల్లో నూతనోత్సాహం

గజపతినగరం, అక్టోబర్ 19 (కొత్త స్వరం): విజయనగరం జిల్లా గజపతినగరం నియోజకవర్గంలోని బొండపల్లి మండలం కొత్తపాలెం గ్రామం, పరిసర ప్రాంతాల్లో వైఎస్సార్ కాంగ్రెస్ పార్టీకి రాజకీయంగా ఊపు లభించింది. తెలుగుదేశం పార్టీకి చెందిన 150 కుటుంబాలు ఆ పార్టీని వీడి వైఎస్సార్‌సీపీలో చేరాయి. మాజీ ఎమ్మెల్యే బొత్స అప్పలనరసయ్య, బొడ్డు రాము ఆధ్వర్యంలో నిర్వహించిన ఈ చేరికల కార్యక్రమంలో వైఎస్సార్‌సీపీ ప్రతిపక్ష నేత, ఎమ్మెల్సీ బొత్స సత్యనారాయణ, విజయనగరం జిల్లా వైఎస్సార్‌సీపీ అధ్యక్షుడు, మాజీ ఎంపీ బెల్లాన చంద్రశేఖర్ పాల్గొన్నారు. కొత్తగా పార్టీలో చేరిన కుటుంబాలకు నాయకులు కండువాలు కప్పి సాదరంగా ఆహ్వానించారు. పార్టీ నాయకులు, కార్యకర్తల సమక్షంలో ఈ కార్యక్రమం ఉత్సాహంగా సాగింది. ఈ కార్యక్రమంలో మండల మాజీ ఎంపీపీ, జడ్పీటీసీ సభ్యులు, మాజీ సర్పంచులు, మాజీ ఎంపీటీసీలు, ఇతర పార్టీ నాయకులు, కార్యకర్తలు పాల్గొన్నారు. కొత్తపాలెం, పరిసర ప్రాంతాల్లో జరిగిన ఈ చేరికలు గజపతినగరం నియోజకవర్గ వైఎస్సార్‌సీపీ శ్రేణుల్లో నూతనోత్సాహాన్ని నింపాయి.